නොවැම්බර් මුල් සතියේ ශ්‍රී ලංකාවේ ස්ථාන දෙකක දී කම්කරුවන් දෙදෙනෙකුට සිය ජීවිත අහිමි කළ කාර්මික අනතුරු දෙකකින් සනිටුහන් කෙරෙන්නේ ධනේශ්වර පන්තිය කම්කරු ජීවිත පිළිබඳව දක්වන සාපරාධී නොතැකීමයි. … Read more
බෝල්ෂෙවික් සංවිධාන ක්‍රමය පූර්ව සම්මේලන කාල පරිච්ඡේදයක් තුළ දී සුළුතරයකට පක්ෂ සාමාජිකත්වයේ සලකා බැලීම හා තීරණය කිරීම උදෙසා තම මතය නිදහස් හා සාධාරණ ලෙස ඉදිරිපත් කිරීමට පූර්ණ අයිතිය හා පහසුකම් සලසා දෙයි. කම්කරු ව්‍යාපාරය කවදා හෝ දැන සිටි භාවිතයන් අතරින් හොඳම හා වඩාත් ම අකුටිල ප්‍රජාතන්ත්‍රවාදී සම්ප්‍රදාය වන අපේ ව්‍යාපාරයේ මෙම සම්ප්‍රදාය, හා නො වෙනස්ව එක සේ පැවත එන භාවිතය, වර්තමාන සාකච්ඡාව තුළ දී ද සම්පූර්ණයෙන් ම පිළිපදින ලද්දේ ය. සුළුතරය ඉදිරිපත් කළ සියලු යෝජනා හා ලිපි කිසිදු වාරණයකින් හෝ වෙනස් ලෙස සැලකීමකින් තොරව එකාබද්ධව සංස්කරණය කළ අභ්‍යන්තර බුලටීනයේ පළ කරන ලදී. එය සෑම සාමාජිකයෙකු අතට ම පත් වේ. මතභේදයට ලක් වූ ප්‍රශ්න සාකච්ඡාවට ගැනෙන සියලු ශාඛා රැස්වීම් හා සාමාජික රැස්වීම් තුළ එක සේ ම ක්‍රියාත්මක වන නීතිය වන්නේ කාලය සමානව වෙන් කර දීමයි. සුළුතරයට සාමාජිකත්වය ඇමතීම සඳහා සාධාරණ අවස්ථාවක් හිමිවීම අවහිර කිරීමට කිසිදු සීමාවක් පනවා නැත. … Read more
දෙන ලද මොහොතක යෝජනාවල යෝග්‍යතාව හෝ අයෝග්‍යතාව නො තකා, සාමාන්‍ය ජනයාගේ මැදිහත්වීමකින් තොරව සිය කටයුතු නියාමනය කරන සහ, සිය අභ්‍යන්තර කටයුතු ප්‍රසිද්ධ කිරීම උචිත වන්නේ කවර කල්හි ද හා කවර තතු යටතේදැයි තමන් විසින් ම තීරණය කරන මධ්‍යගත හා විනයගරුක පක්ෂයක් පිළිබඳ අදහසට එරෙහිව එල්ල කෙරෙන පොදු ප්‍රහාරයට අපි සම්පූර්ණයෙන් විරුද්ධ වෙමු. …
… පක්ෂ සුළුතරයේ ප්‍රජාතන්ත්‍රවාදී අයිතීන් සම්බන්ධ ප්‍රශ්නය මෙම කාරනාවට සම්බන්ධව පැවැතිය හැකි නො වේ. සුළුතරය විසින් ඉදිරිපත් කරන සියල්ල අපේ අභ්‍යන්තර බුලටින තුළ පළ කරන අතර ඒවා සමස්ත සාමාජිකත්වය අතට පත් වේ. ඊට අමතරව, පක්ෂ ශාඛා හා සාමාජිකත්ව රැස්වීම් සාකච්ඡාවල දී කිසිදු වෙනස් ලෙස සැලැකීමක් කිසිසේත් ම සිදු නො වේ. සැබැවින් ම සුළුතරයේ වර්තමාන ඉල්ලීම වන්නේ මහජනයාට ආයාචනා කිරීමේ අයිතිය යි. …Read more
විවාදය සටනක සියලු ආතතියෙන් යුක්ත විය. අපි එකිනෙකා සමඟ විවාද කළා නො ව, උනුනුන් හා සටන් වැදුනෙමු. අපට “සාකච්ඡා” කළ නො හැකි වූයේ, අප එක ම පූර්වාංගයෙන් පටන් නො ගත් හෙයින් හා එක ම තලයක රැඳී කථා නො කළ හෙයින් ය. ..Read more
ලෝක ධනේශ්වරයේ අර්බුදය චීනය තුළ ප්‍රකාශ වන ආකාරය පිළිබඳව ප්‍රධානතම පුවතකට අනුව, චීන කොමියුනිස්ට් පක්ෂය ඉහලම ජෙනරාල්වරුන් නව දෙනෙකු නෙරපා හැර ඇත.
ට්‍රම්ප් පරිපාලනය චීනය සමග යුද්ධය සඳහා වේගවත් කරන සූදානම, මන්දගාමී ආර්ථිකය, විශේෂයෙන් තරුණයන් අතර ඉහල විරැකියාව සහ ඉහල යන සමාජ ආතතීන්ට චීන කොමියුනිස්ට් පක්ෂ තන්ත්‍රය මුහුණ දී සිටින බව සැලකිල්ලට ගත් කල, පක්ෂ සාමාජිකයන් ලෙස “විශ්වාසය භංගවීම” පිළිබඳව ඔවුන්ට නැඟී ඇති චෝදනා විශේෂ වැදගත්කමක් ගනී.
ලෝක සමාජවාදී වෙබ් අඩවිය ඉහත කාලයේ ලියූ පරිදි, 20 වන සම්මේලනයේ දී ෂී ජින් පිං ශ්‍රේෂ්ඨ නායකයෙකු ලෙස නාට්‍යකාරී අයුරින් නිරූපණය කිරීම චීන කොමියුනිස්ට් පක්ෂයේ ශක්තියේ ලකුණක් නොව එහි දුර්වලතාවයේ ලක්ෂණයකි. ..Read more
නිව්යෝර්ක් නාගරික සම්මේලනයට පූර්වයෙන් සිදු කළ උද්ඝෝෂණය තුළ දක්ෂිනාංශික සංයෝජනය අපට ටැමනී දේශපාලනයේ යථා මාත්‍රාවක් ලබා දුන්නේය. ඔවුහු කිසිදු දේශපාලන යෝජනාවක් ඉදිරිපත් කිරීමෙන් තොරව තමන්ගේ සියලු දේශපාලන අනුග්‍රාහකයන් බලමුළු ගන්වා ගත්හ. අනෙක් අතට, බහුතරය සමඟ දේශපාලන එකඟතාවයකින් යුතු, එහෙත් සංවිධානාත්මක කරුණු සම්බන්ධයෙන් එක් හෝ අනෙක් ආකාරයක දුක් ගැනැවිලි හෝ විවේචන ඇති අයගේ සහයෝගය ඉල්ලා ඔවුහු ආයාචනා කළෝය. .. Read more
මෙතැන් පටන්, අපේ ප්‍රමුඛ තරුණ සහෝදරවරුන් සමඟ එක්ව සතියකට එක් රාත්‍රියක් තරුණයන් සමඟ දේශපාලන සාකච්ඡා සඳහා වෙන් කිරීමට මම කටයුතු පිළිවෙල කරමින් සිටිමි. සප්‍රතිපත්තික දේශපාලනය යන්නේ සැබෑ අර්ථය කුමක්දැයි පැහැදිළි කිරීමෙන් ආරම්භ කෙරෙන දීර්ඝ දේශන මාලාවක් සඳහා කෙටුම්පත් සකසා ඇත. එක පැත්තකින් ඇබර්න් ගුරුකුලයේ කල්ලි දේශපාලනඥයන් විසින් ද, අනෙක් පැත්තෙන් තරුණ ව්‍යාපාරයේ නායකත්වයේ සිටින, තවමත් සිය පැරණි හැව ගලවා දමා නැති හිටපු සමාජවාදී පාක්ෂිකයන් – ඔවුන් ඉහත කී පිරිසට වඩා හොඳ ය – විසින් ද කුරිරු ලෙස වැරදි අධ්‍යාපනයක් ලබා දෙනු ලදුව අවමංගත කරනු ලැබ සිටින අපේ තරුණයන්ට මෙය පැහැදිළි කර දිය යුතුය. කාලයත් සමඟ ඔවුන්ගෙන් බොහෝ දෙනෙකුට ඉගෙන ගැනීමට හැකියැයි අපේක්ෂා කිරීමට හේතු පවතී. කෙසේවෙතත්, සෙසු පිරිසට ඉගෙන ගැනීමට උවමනා නැත. … Read more
වෘත්තීය සමිතිවලට තව දුරටත් කේවල් කිරීම මඟින් සැබෑ ජයග්‍රහනයක් ලැබිය නො හැකි ය. .. සියලු කම්කරුවන්ට, පීඩිත ගොවීන්ට ධීවර කම්කරුවන් හා පීඩිත ධීවරයින්ට අවශ්‍ය වන්නේ තම ඉල්ලීම ජය ගන්නා තෙක් සීමා බිඳ දමමින් ඉදිරියට යා හැකි සටන් සංවිධානයකි. නිදහස් සටන්කාමී හා කම්කරු පන්තික ප්‍රජාතන්ත්‍රවාදී මූලධර්ම මත පදනම් වන ක්‍රියාකාරී කමිටු ගොඩ නැගීම මග නො හැරීය හැකි අවශ්‍යතාවක් බව මේ අනුව වටහාගත හැකි ය. ඒවා හරහා, කම්කරුවන් අතර සිදු වන නිදහස් සාකච්ඡා මගින් තම ඉල්ලීම් නීර්නය කිරීමත්, ඒවා ජය ගන්නා ක්‍රියා මාර්ගය සකස් කර ගැනීමත් කල හැකි ය.
මහා සමාගම්වල හා ධනපති ආන්ඩුවේ අධිෂ්ඨාන බිද ජය ගැනීමට නම්, මෙම කමිටු හරහා සමස්ත ධීවර ජනයා හා කාර්මික කම්කරු පන්තියේ එකමුතුව ගොඩ නැගිය යුතු ය. එය දේශපාලන අරගලයක් බවට පත් වීම නො වැලැක් විය හැකි ය. ධීවරයෝ ඊට සූදානම් විය යුත්තාහ. …Read more
කම්කරු අයිතීන් වලලා දැමෙන ප්‍රතිව්‍යුහකරන පනතට හා ඇමතිවරයාගේ ලිපියට ලංවිම සේවකයන්ගෙන් බලගතු විරෝධතාවක් පැන නැගී තිබේ. වෘත්තීය සමිති නායකත්වයේ මග හැරීම් මධ්‍යයේ අකුරට වැඩ කිරීමේ සටන් ක්‍රියා මාර්ගයකට අවතීර්න වීමෙන්, රැකියා සහ අයිතීන් රැක ගැනීමට සේවකයන් අතර පවතින අව්‍යාජ උවමනාව පෙන්නුම් කර ඇත. …
ප්‍රතිව්‍යුහගත කිරීම නමින් ක්‍රියාවට දැමෙන පුද්ගලීකරනය රැකියා කප්පාදුවට, හා සුබ සාධන උදුරා ගැනීමට එරෙහි අරගලයට කම්කරුවන් අවතීර්න විය යුක්තේ, අර්බුද ග්‍රස්ත ජාජබ ආන්ඩුවට හා ඒ සමග පෙලගැසී ගන්නා සමිති නායකත්වය ඇතුලු අවස්ථාවාදීන්ගේ පිලිවෙත්වලට එරෙහි දැනුවත් අරගලයක් කරා ය. …Read more
ඉදින් අතීතය හා වර්තමානය අතර කිසිදු සම්බන්ධයක් නැතැයි විශ්වාස කිරීමට හේතු ඇත්නම්, නව තත්ත්වයක් යටතේ යමෙකුගේ අතීත දෝෂ අවුස්සා පාදා ගන්නා අවසාන තැනැත්තා මා වනු ඇත. එහෙත් දැන් අප මුහුණ දී සිටින්නේ, කවර කලෙක දී හෝ අපේ ශ්‍රේණි අතර බෙදීම් නිර්මාණය කර ඇති ප්‍රශ්න අතරින් වඩාත් ම මූලික ප්‍රශ්න පිළිබඳව පක්ෂය තුළ පැන නැඟී ඇති අතිශය බරපතළ අර්බුදයකට ය. …Read more
