මයිකොලේව් අභියාචනා අධිකරණය 2026 අගෝස්තු 26 දාතමින් අප වෙත යුක්‍රේන භාෂාවෙන් ලියැවුණු ලිපියක් යොමු කර ඇත. ඊ මේල් පනිවුඩයක අමුණා එවන ලද එම ලිපියේ සංක්‍ෂිප්ත අර්ථය වන්නේ, යුක්‍රේන් භාෂාව හැර අන් බසකින් එවන ලිපි තමන් නොතකා හරින බවයි! …

.. යුද්ධයට එරෙහිව වැඩෙන මේ විරුද්ධත්වය හමුවේ, යුද්ධයට එරෙහිව තම තම ආණ්ඩුවලට එරෙහිව නැඟී සිටිමින් ඒකාබද්ධ වන්නැයි බොග්ඩාන් සයුරොටියුක්ගේ ලිපි වලින් කෙරෙන කැඳවීම කියෙව් තන්ත්‍රයට ඉවසා දරා සිටිය හැක්කක් නොවේ. යුක්‍රේන අධිකරණය අපේ ලිපි කියවීම ප්‍රතික්ෂේප කරන්නේ එබැවිනි.

.. යුක්‍රේන දේශසීමාවට ඔබ්බෙන් පවතින ලෝකයෙන් අවි ආයුධ පමණක් භාර ගනිමින්, අධිරාජ්‍යවාදීන්ගේ අවි සම්පාදනයේ පිරිවැයෙන් මිරිකී යන කම්කරුවන්ගේ අදහස් නොතකා හැරීමට හා නිහඬ කිරීමට ඔවුන් දරන තැත පරාජය කළ යුතුය. …Read more

මෙම තීන්දුව ඒකාධිපතිවාදී ක්‍රියාවකි. සෙලන්ස්කිගේ ධුර කාලය 2024 මැයි මාසයේ අහෝසි වී ඇතත්, ඔහු සිය නෛතික වරම ඉක්මවා දෙවසරකට වැඩි කාලයක් තවමත් බලයේ රැඳී සිටින්නේ ස්ථාවර යුද්ධ නීතියේ විධිවිධාන ප්‍රකාරව ය. මැතිවරණ අවලංගු කර ඇත. වාමාංශික පක්ෂ මුළුමණින් තහනම් කර ඇත. යුද්ධය පවත්වා ගෙන යන්නේ ”ප්‍රජාතන්ත්‍රවාදය” වෙනුවෙනැයි කියා පාමින් එක්සත් ජනපදය හා නැටෝව ඩොලර් කෝටි ගණන් වටිනා යුද අවි වර්ෂාවන්ගෙන් නහවන්නේ, බොග්ඩාන් සිරගත කළ මෙකී යුක්‍රේන ආණ්ඩුවයි. මෙම දණ්ඩනය එකී මුසාව නිශ්චිත ලෙස හෙළිදරව් කර ඇත. ..

බොග්ඩාන් සයුරොටියුක් දේශපාලන සිරකරුවෙකි. ඔහු සිරගත කිරීමට හේතුභූත වූ ඔහු පිළිගත් ඉදිරි දර්ශනය; එනම්, තම තම පාලක පන්තීන්ට එරෙහිව දේශසීමා ඉක්මවා යමින් කම්කරු පන්තිය ඒකාබද්ධවීම; යනු අධිරාජ්‍යවාදී යුද්ධය හමුවේ සමස්ත ජාත්‍යන්තර කම්කරු පන්තිය හමුවේ ඇති එකම ඉදිරි දර්ශනයයි. සෙලන්ස්කි තන්ත්‍රය ඔහුගේ නිදහස ප්‍රදානය කරන්නේ නැත. එය දිනා ගත යුත්තකි. ලොව පුරා කම්කරුවන්, තරුණයන් හා ප්‍රජාතන්ත්‍රවාදී අයිතීන් ආරක්ෂා කරන්නන් බලමුළු ගන්වා දිනා ගත යුත්තකි. …Read more

වැටුප් වැඩි කිරීම ඇස් බැන්දුමකි. 2019 දී සියලු දීමනා සහිතව, රුපියල් 45,000ක වැටුපක් හිමි වූ අයෙක් 2027 වන විට 75,000 පමන වැටුපක් ලබති. එනම් දල වශයෙන් 65% කින් පමන වැටුප් ඉහල ගොස් ඇත. එහෙත් මේ කාලය තුල භාන්ඩ මිල 150%ට වඩා වැඩි වී, එදා රුපියල් 35,000ක් වූ මාසික වෙලඳ පැස රු. 85,000 දක්වා පිම්මේ ඉහල ගොස් ඇත. ..

ගුරුවරුන්ගෙන් 30.4%ක් විශාදයෙන් පෙලෙන (අතර), ශ්‍රී ලංකාවේ සෞඛය සේවකයන්ගෙන් 42.5% ක් සීමාව ඉක්ම වූ කාන්සාවෙන් Anxiety පෙලෙති. ඉතාමත් කනගාටුදායක ලෙස සෞඛ්‍ය සේවකයන්ගෙන් 4.1% ක් අධි මානසික පීඩනය නිසා දිවි නසා ගැනීමේ සිතුවිලි පවා ඇති කරගෙන ඇත. වෛද්‍ය ක්ෂේත්‍රයේ නිරතයන්ගෙන් 71.4% ක් අනාගතය පිලිබද බලාපොරොත්තු විරහිතභාවයකින් පෙලෙති.

දිනපතා ධනපති ව්‍යාපාරිකයන්ගේ ආදායම් ඉහල යමින්, දුප්පතුන් තවත් දුප්පත් වෙමින් රටේ “ඒක පුද්ගල ආදායම“ ඉහල යන අතර, මැති ඇමති හා ඉහල නිලධරයේ වරප්‍රසාද රැකේ. …Read more

සම්පූර්න රැඳවියන් සංඛ්‍යාවෙන් නීත්‍යානුකූල නඩු විභාගයකින් වැරදිකරුවන් වූ අය සිටින්නේ 30% ක් (10, 509) පමනෙකි. ඉතිරි සියයට 70 ම – 24,256 – රිමාන්ඩ් භාරයේ සිටින්නන් ය. මේ අතර වැඩි දෙනා ඇප තැබීමට, නීතිඥයන්ට විය පැහැදම් කිරීමට හා තමන්ට නියම වුනු දඩය ගෙවීමට මුදල් නොතිබූ හෙයින් සිරගත වූවන් ය. ..

බන්ධනාගාර සැමන් ටින් මෙන් පුරවන ලද්දේ “පාතාලය සහ මත්ද්‍රව්‍ය උවදුර අවසන් කිරීමට“ ය. නමුත් වඩවඩාත් ප්‍රචන්ඩ ස්වභාවයෙන්; දේශපාලනඥයාගේ හා ආරක්ෂක නිලධාරීන්ගේ සිට සදාචාරවාදයේ හා විමුක්තියේ මාර්ගෝපදේශකයා ලෙස පෙනී සිටින ආගමික සංස්ථාව දක්වා ම, ඒ සියල්ල අලලා ගෙන මෙම තත්වය පැතිරී ඇත. ගුවන් නියමුවන් මත් වී ගුවන් යානා පදවා මිනිස් ජීවිත අනතුරේ හෙලීමේ සිද්ධි ගැන ද දැන් වාර්තා වේ. බන්ධනාගාරය තුලට මත් කුඩු, දුරකථන ගෙන යන්නේ නිලධාරීන්ගේ කලු කඩය බව නො දන්නා දෙයක් නො වේ. …

ලංකාවේ ඉහලම ධනවතුන් සියයට 1 අත ජාතික වත්කම්වලින් 31% ක් ඒකරාශී වී පවතී. ජනගහනයේ අඩු වත්කම් සහිත දෙකෙන් පංගුව අත ඇති වත්කම් සමුච්චය සියයට 4 කට වඩා අඩුය. තරුනයන් ඉදිරියේ ඇත්තේ රැකියා නැති, ගෙයක් දොරක් නැති, බලාපොරොත්තුවක් නැති අනාගතයකි. … Read more

අඩ සියවසක් පුරා සප්‍රතිපත්තික අරගලයක වාර්තාවක් දරන ආර්. අමරතුංග සහෝදරයා අද සිය 83 වන ජන්ම දිනය සමරයි.

ප්‍රතිපත්ති හා මූලධර්ම ආරක්ෂා කිරීමේ දී ඉන්ද්‍රඛීලයක් වන් කම්කරුවෙක්, මනස්කාන්ත මිනිසෙක්, අව්‍යාජ විප්ලවවාදියෙක්, ආදරවන්තයෙක්, ලෙන්ගතු මිත්‍රයෙක් යන සෑම භූමිකාවකම තමන් දන්නා කියන හැමගේ හද දිනූ අමරතුංග සහෝදරයා නව පරම්පරාවන්ට ජිවිතය කියා දීම සඳහා වටනා මොඩලයකැයි අපට සිතේ. … Read more