Class struggles

ආන්ඩුව වාරු වී සිටින්නේ අන්තර් ජාතික මූල්‍ය අරමුදලට ය. ඒ අනුව ආන්ඩුවට ලබා දිය හැකි ව ඇත්තේ රාජ්‍ය වියදම් අඩු කිරීම සඳහා සේවක පුරප්පාඩු නොපිරවීම, විශ්‍රාම වයස් සංශෝධනය යනාදී කප්පාදූන් ය. …. බදු ඉහල දැමීම මගින් එක් අතකින් මහජනයා පීඩාවට පත් කරන අතර විදුලි ගාස්තු, ඖෂධ මිල, වැනි අත්‍යවශ්‍ය භාන්ඩ මිල ඉහල දැමීම මහජනයා මත පටවමින් සිටී.

මෙය කම්කරු පන්තිය මැඩ තබා ගැනීමේ අවශ්‍යතාව මතු කරයි. ආන්ඩුව දැන් වාරු වී සිටන්නේ විශේෂයෙන් ම, කලක් තමන්ගේ ම සාමාජිකත්වයට එරෙහිව භාවිතා කෙරුනු ත්‍රස්තවාදය වැලැක් වීමේ පනත වැනි මර්දන නීති මත ය. …1971 සහ 1988-1990 කාලයේ තරුන ඝාතනවලට ආන්ඩු යොදා ගත් මෙම මර්දන අනපනත් සහ ක්‍රියාමාර්ග තව තවත් ශක්තිමත් කිරීමේ අවශ්‍යතාව මේ ආන්ඩුව හමුවේ පැහැදිලිව මතු වී ඇත.

අද දින ග්‍රේෂන් සහෝදරයා සැමරීමේ එකම අරුත නම් මෙසේ පවතින ජවිපෙ – ජාතික ජන බලවේගය ආන්ඩුවේ අධිරාජ්‍ය ගැති වැඩ පිලිවෙලට හා වර්ගවාදී ධනපති ව්‍යවස්ථාවට හා මර්දනයට එරෙහිව කම්කරු පන්තිය සූදානම් කිරීම ය. …Read more

කම්කරුවන්ට තමන් වෙනුවට ආදේශකයක් නැත. තමන්ට එරෙහි ලෝකයක් ඇත. එම ලෝකය පවත්වා ගෙන යන්නේ කම්කරුවන්ගේ ශ්‍රමය විසිනි. ලාභ ලැබීම සඳහා ප්‍රාග් ධනයට ඇති හිමිකම ඔවුන් බැඳ දමා ඇති දම්වැලයි. එය සිඳ දැමීමට සියලු කම්කරුවන් ඒකාබද්ධ වුවහොත් ඔවුන්ට දිනා ගැනීමට ලෝකයක් ඇත. හුදෙක් රැකියා රැක ගැනීමෙන් නො නැවතී ඔවුන්ට, දුප්පත්කම ද, සමාජ අසමානතාව ද, නාස්තිය ද, විනාශකාරී යුද්ධය ද අවසන් කල හැකි ය.  වර්තමාන තත්ත්වය ඉල්ලා සිටින්නේ, ධනේශ්වර අවශ්‍යතාවන්ට ගැට ගැසුනු වෘත්තීය සමිතිවලට හා කම්කරු පන්තියේ ඓතිහාසික විප්ලවවාදී ගුනය ප්‍රතික්ෂේප කරන ව්‍යාජ වාම සංවිධානවලට එරෙහිව පන්තියක් ලෙස කම්කරුවන්ගේ එකමුතුව යි. එම එකමුතුව උදෙසා කම්කරුවෝ තමන් මුහුන දී සිටින සෑබෑ තතු වටහා ගන්නා සාකච්ඡා වර්ධනය කරමින් තමන්ගේ ම ස්වාධීන සංවිධාන ගොඩ නැගිය යුතු ය. ඒවා රුසියානු කම්කරුවන්ට ඒකාධිපති සාර් පාලනය පෙරලා දැමීමට ශක්තිය ලබා දුන් සෝවියට් සභාවල ආදර්ශය ගත යුතු ය.

කම්කරුවන් විසින් ගොඩ නගනු ලැබිය යුතු මෙම සංවිධාන වෙනුවට කිසිදු සංවිධානයකට – විප්ලවවාදී පක්ෂයකට පවා – ආදේශ වනු නො හැකි ය. කම්කරු පන්තියේ විප්ලවවාදී පක්ෂයක වගකීම වන්නේ, කම්කරු පන්තියට මර උගුලක් බවට පත්ව ඇති වෘත්තීය සමිති ප්‍රතිසංස්කරනවාදී විඥානයට එරෙහිව සටන් වදිමින්, ඒ සඳහා මග පෙන්වීම සහ එහි ම කොටසක් ලෙස එම කමිටුවලට එක් වී වැඩ කිරීම ය. අනතුර වන්නේ මේ වන විටත් නිදහස් වෙලඳ කලාපයේ හෝ වෙනත් තැනක, කාර්මික කම්කරුවන්ගේ ස්වාධීන සටන් කමිටු බිහි වී නො තිබීම ය. …Read more 

The Lay Off will add up to the unemployment problem, which the government claims to be dedicated to solving. … This is not an isolated issue. The real issue is profiting concerns. The government is more focused on helping increase profits than providing jobs. …. Ministers’ talks on compensation of up to 50 lakhs are nothing but pitfalls aiming at cutting jobs and facilitating the bourgeoisie. Workers need jobs, not compensation. … Read more 

2025 මාර්තු 27, “The Gardian“ පුවත්පත, Next සමූහයේ ප්‍රධාන විධායක නිලධාරී සයිමන් වුල්ෆ්සන් සමග කල සාකච්ඡාවක් උපුටා දක්වයි. ඒ අනුව ජනවාරි මාසය දක්වා ගෙවුනු වසර තුල, බදු ගෙවීමට පෙර එහි ලාභය 10% කින් ඉහල ගොස් ඇත. එය පවුම් බිලියන එකකට (£bn 1) වැඩි ය. … නව මූල්‍ය වසරේ පලමු සති අට “අපගේ අපේක්ෂාවන්ට වඩා ඉදිරියෙන්” සිටීම මෙම අපේක්ෂාවට හේතු වී ඇතැයි වුල්ෆ්සන් පවසා ඇත.

අන්තර් ජාතික සමාගම් අතලොස්සක් විසින් ලෝක ආර්ථිකය වසා ගනු ලැබ සිටින අතර වෙලඳපොල අල්ලා ගෙන සිටීම පිනිස වඩවඩා ශ්‍රමය සූරා කෑමට ඒවාට සිදු වී ඇත. ඒ සඳහා ඉහලම තාක්ෂනය යොදා ගනී. මෙම වියදම් අධික ක්‍රියාව ඇමරිකා එක්සත් ජනපදය ඇතුලු සියලු ධනේශ්වර රටවල දහස් ගනනින් කම්කරුවන් දොට්ට දැමීම හා කර්මාන්ත ශාලා වැසීම සාමාන්‍ය තත්වයක් බවට පත් කර ඇත.

… මේ තත්වයට මුහුන දී ආර්ථික දේශපාලන නිදහස දිනා ගැනීමට කම්කරුවන්ට ඇති මූලික අවිය වන්නේ ස්වකීය පන්තියේ එකමුතු ශක්තියයි. එවන් එකමුතුවක් දේශ සීමාවෙන් ඔබ්බට ගෙන යා යුතු අතර, එසේ ගෙන යා හැකි ය. දැන් රැකියා අහිමි වූ කම්කරුවන්, සෙසු කම්කරුවන්ගේ සහාය ලබමින් වැඩපලක් ගානේ, ගමක් ගානේ ගොස් මෙම එකමුතුව සදහා සටන් වැදිය යුතු ය. ..Read more 

ආර්ථික හා දේශපාලනික ප්‍රජාතන්ත්‍රවාදයට එල්ල වන ප්‍රහාරයේ පදනමේ පවතින්නේ ගැඹුරු අර්බුදයේ කිඳී සිටින ධනපති පන්තිය, කම්කරු පීඩිතයන්ගේ ජීවිත ඇට පොත්තට ම සූරා ගැනීමට දරන ප්‍රයත්නයයි. රාජ්‍ය භීෂනයේ උල්පත එයයි. ඒ අනුව, ධනපති පන්තියට එරෙහිව ප්‍රජාතන්ත්‍රවාදී අයිතිවාසිකම් හා යුක්තිය දිනා ගැනීම වූ කලී, සූරාකෑම සඳහා ධනපති පන්තියට ඇති අයිතියට අභියෝග කිරීමෙන් තොරව සාක්ෂාත් කල හැක්කක් නොවේ. කවර ප්‍රජාතන්ත්‍රවාදී අයිතියක් උල්ලංඝනය කිරීමට එරෙහිව වේවා එල්ල කෙරෙන සැබෑ විරුද්ධත්වයක් මේ යුගයේ නොවැලැක්විය හැකි පරිද්දෙන් ධනපති පන්ති ආධිපත්‍යයේ සුජාතභාවය පිලිබඳ ප්‍රශ්නය නිසැකව මතු කරනු ඇත. …Read more

අපරාධ කල්ලි නායකයෙකු ලෙස නම් දරා සිටින ගනේමුල්ලේ සංජීව තවත් එවන් කල්ලියක වෙඩික්කරුවෙකු විසින් ඝාතනය කෙරුනේ අලුත්කඩේ මහේස්ත්‍රාත් අධිකරනයේ විත්ති කූඩුව තුල දී ය.
දරිද්‍රතාව නිසා යුද්ධයට උරා ගනු ලැබූ තරුනයෝ යුද්ධයට පමනක් නො ව, හමුදා තුලම පවතින පීඩනයන්ට ද මුහුන දුන්හ.  හමුදා සේවය ඔවුනගේ සහ එම පවුල්වල දරිද්‍රතාව අහෝසි කලේ නැත. මේ කාරනා දෙක විසින් බොහෝ සෙබලුන් මානසික ව්‍යාධිවලට ගොදුරු වූහ. ඔවුන් මත් ද්‍රව්‍යවලට හා අපරාධවලට පෙලඹ වූ කරුනු මේවා ය. ජීවත්වීම සඳහා ජිවිතය හෝ මරනය තෝරා ගැනීමට සිදු වූ සමාජයක තරුනයන් පාතාලයට නැඹුරු වීම දඬුවම්වලින් නතර කල හැකි නො වේ. දුප්පත්කම සමස්ත පාතාලයේ වපසරිය පුලුල් කරයි. … Read more

“ජාමූඅ කප්පාදු වැඩපිලිවෙල පරාජය කරන්නේ කෙසේද?” යන මැයෙන් ජනවාරි 03 වන දින ප.ව. 3.30 ට පේරාදෙනිය විශ්ව විද්‍යාලයේ දී පැවැත්වීමට නියමිත වූ දේශනය, විශ්වවිද්‍යාලයේ උපකුලපතිවරයා විසින් අවලංගු කර ඇතැයි වාර්තා වී ඇත
සසජාතශි විසින් නිකුත් කරන ලදුව ලෝක සමාජවාදී වෙබ් අඩවියේ පල වී ඇති ප්‍රකාශය පහත උපුටා පලකරමු: ….Read more

ජාත්‍යන්තර මූල්‍ය අරමුදලේ කප්පාදු වැඩ පිලිවෙල වත්මන් ආන්ඩුවේ “රට ගොඩ නගන“ ආර්ථික සැලැස්මේ පදනම ය. ජාජබ මැතිවරන පොරොන්දු දැන් දැන් එය ක්‍රියාවට දැමීමට බාධාවක් ලෙස ඉස්මතු වෙමින් පවතී. …
… ගොවියන්ට කම්කරුවන්ට හා සෙසු පීඩිතයන්ට දුන් පොරොන්දු දවසින් දෙකින් වෙනස් වුවත් ධනපතීන් හා එම පාලනය වෙනුවෙන් වන සැලසුම් කල් පවතින ඒවාය. දේශීය හා විදේශීය ආයෝජකයන්ට අවශ්‍ය සියලුම කොන්දේසි සපුරා දෙන බවත්, ඔවුන්ගේ ව්‍යාපාර පවරා ගැනීමක් කිසි සේත් නො කරන බවත් ආන්ඩුව දිවුරා කියයි.
ජාජබ ද ඇතුළු සියලු ධනපති පක්ෂ ‘ආර්ථිකය’ ලෙස සලකන්නේ ධනපති ලාභය මත ගොඩ නඟන ලද පර්යාය යි. ඔවුන් ආරක්ෂා කරන්නේ එම ‘ආර්ථිකය’ යි. ඒ සඳහා දුගියාගේ හා කම්කරුවාගේ ‘ආර්ථිකය’, එනම්, ඔවුන්ගේ මූලික ජීවන අවශ්‍යතාවලට පමනක් සරිලන සොච්චම් ඉපැයීම් කපා දැමීමට එම ධනපති පක්ෂ කිසිසේත් පැකිලෙන්නේ නැත. ,,,Read more

ස්ටාර් ගාර්මන්ට් සමූහයට අයත්, කොත්මලේ, ඩබ්ලිව් ටී මැනුෆැක්චරින් පුද්ගලික සමාගමේ කම්කරුවෝ රුපියල් 5000ක වැටුප් වැඩි වීමක් ඉල්ලා, දෙසැම්බර් 4 දා වැඩ වර්ජනයක් දියත් කලහ. එහි සේවයේ නියුතුව සිටින කම්කරුවන් 1080 දෙනා ම සහභාගි වූ මෙම වර්ජනයට පාලකයන් ප්‍රතිචාර දැක් වූයේ දෙසැම්බර් 17 දක්වා කම්හල වසා තැබීමට පියවර ගැනීමෙනි. … Read more