ඔවුන් වරදක් ලෙස දකින එවන් වූ “ගතානුගතිකවාදය” කල්‍යාණ ගුණයක් ලෙස අපි සලකන්නෙමු. දැවැන්තතම ඓතිහාසික සිදුවීම්වල පරීක්ෂාවෙන් සත්‍යාපනය කෙරී ඇති සහ, අප දකින අයුරින් නිර්ධන පන්තියේ විමුක්තිය සඳහා වන එකම වැඩ පිළිවෙල සතු මෙකී මූලධර්මවලට තදින් ම “ඇලී ගැලී” සිටීම අපේ එල්ලයයි. … ඉදින් මෙය ගතානුගතිකවාදය නම්, එයින් අපි උපරිම ප්‍රතිලාභ ලබා ගන්නෙමු. …Read more
නායකයෙකුගේ සැබෑ චරිත ස්වභාවය වඩාත් පැහැදිළි ලෙස පෙන්නුම් කෙරෙන්නේ නිරවද්‍යව ම අර්බුද කාල පරිච්ඡේදයන් තුළ දී ය. එහෙත් දීර්ඝ කාලයක් පුරා දිනෙන් දින දේවල් වර්ධනය වන ආකාරය සමීපව දැක ගැනීමට හැකි ස්ථානවල සිටින්නන් විසින් නිරතුරුවම එම පුද්ගලයාගේ මෙකී අභ්‍යන්තර ගුණාංගවල ඉඟි කල්තබා දැක ගනු ලැබේ. වර්තමාන අරගලයට සම්බන්ධ දෙපාර්ශ්වයේ නියෝජිතයන් සම්බන්ධයෙන් පවතින තතු එ’පරිදි වන අතර, ඉන් අප මවිතයට පත් වී නැත. කඳවුරු දෙකේ නායකයන් සිය වර්තමාන ආස්ථානයන් කරා එළැඹි ඇත්තේ අහම්බයෙන් නො වේ. එමෙන් ම, පක්ෂ සාමාජිකත්වය තුළ සිටින ප්‍රතිවිරෝධී ප්‍රවණතා දෙක – නිර්ධන පන්ති හා සුළු ධනපති ප්‍රවණතා – පක්ෂ නායකත්වයේ ප්‍රතිවිරුද්ධ පාර්ශ්වයන් වටා ඒකරාශී වූයේ, මෙය එක් එක් අවස්ථාවෙහි දී තමන්ට අවශ්‍ය පෙළ ගැස්ම වූ බවට ගැඹුරු සහජ හැඟීමකින් තොරව ය. නායකත්වය තුළ ධ්‍රැවාන්තගතවීම එක් සැනින් ම පාහේ පක්ෂ සාමාජිකත්වය තුළ ද ඊට සමාකාර වූ ධ්‍රැවාන්තගතවීමක් නිර්මාණය කළේය. දැන් බෙදී සිටි නායකත්වයේ එක් එක් කණ්ඩායම, තමන් වඩාත් ම තථ්‍ය ලෙස නිරූපණය කළ අභ්‍යන්තර ප්‍රවණතා සහිත කොටස් තමන්ට ආකර්ෂණය කර ගත්හ. …Read more
ආර්ථික හා දේශපාලනික ප්‍රජාතන්ත්‍රවාදයට එල්ල වන ප්‍රහාරයේ පදනමේ පවතින්නේ ගැඹුරු අර්බුදයේ කිඳී සිටින ධනපති පන්තිය, කම්කරු පීඩිතයන්ගේ ජීවිත ඇට පොත්තට ම සූරා ගැනීමට දරන ප්‍රයත්නයයි. රාජ්‍ය භීෂනයේ උල්පත එයයි. ඒ අනුව, ධනපති පන්තියට එරෙහිව ප්‍රජාතන්ත්‍රවාදී අයිතිවාසිකම් හා යුක්තිය දිනා ගැනීම වූ කලී, සූරාකෑම සඳහා ධනපති පන්තියට ඇති අයිතියට අභියෝග කිරීමෙන් තොරව සාක්ෂාත් කල හැක්කක් නොවේ. කවර ප්‍රජාතන්ත්‍රවාදී අයිතියක් උල්ලංඝනය කිරීමට එරෙහිව වේවා එල්ල කෙරෙන සැබෑ විරුද්ධත්වයක් මේ යුගයේ නොවැලැක්විය හැකි පරිද්දෙන් ධනපති පන්ති ආධිපත්‍යයේ සුජාතභාවය පිලිබඳ ප්‍රශ්නය නිසැකව මතු කරනු ඇත. …Read more
බෝල්ෂෙවික්වාදය නූතන යුගයේ එකම අවංක දේශපාලන ව්‍යාපාරය වී ඇත්තේ හුදෙක් බෝල්ෂෙවික්වරුන්ගේ ඉහළතර සදාචාරාත්මක ගුණය නිසා පමණක් නොව – ඔවුන්ගේ සදාචාරාත්මක උසස්බව අවිවාදිත ය – එම ව්‍යාපාරය පමණක් ම අපේ කාලයේ අව්‍යාජ මාක්ස්වාදීන් වූ නිසා ය; කම්කරුවන් සිය විමුක්තිය සඳහා ගෙන යන අරගලය තුළ ඔවුන්ගේ ආසන්නතම හා ඓතිහාසික උත්සුකයන් නිවැරැදි ලෙස අර්ථකථනය කර ආරක්ෂා කළේ එම ව්‍යාපාරය පමණක් නිසා ය. බෝල්ෂෙවික්වරුන්ගේ න්‍යායයන් හා දේශපාලනයත්, කම්කරුවන්ගේ හා ඔවුන්ගේ පෙරමුණු බලඇණි පක්ෂයේ උත්සුකයනුත් අතර කිසිදු පරස්පර විරෝධයක් නොමැත. ඔවුන්ට සත්‍යය – සම්පූර්ණ සත්‍යය – පැවසිය හැකි ය. සියලු වර්ගවල සුළු ධනේශ්වර දේශපාලනඥයන්ගේ වෙළඳ භාණ්ඩ වන අසත්‍යය හා මුසාකරණයන්, අර්ධ-සත්‍යයන්, විකෘතිකරණයන් හා ප්‍රයෝගයන්හි අවශ්‍යතාවයක් ඔවුන්ට නැත. … Read more
කල්ලි දේශපාලනය හා සංයෝජනතාවාදය, සහ මෙකී නින්දිත භාවිතයන් නියෝජනය හා සංකේතවත් කරන ඇබර්න් කණ්ඩායම සත්තකින් ම, 1936 දී ෂැට්මන් ලියූ පරිදි, “පක්ෂයේ රුධිර ප්‍රවාහය තුළ දුෂ්ට ප්‍රවාහයක් නියෝජනය කරයි.” ඔවුන්ගේ දායකත්වය හිමි වන්නේ පක්ෂයේ අධ්‍යාපනයට නො ව එහි දූෂණයට ය. තමන්ගේ ශ්‍රේෂ්ඨ කර්තව්‍යයන් සාක්ෂාත් කිරීම සඳහා ස්වකීය ජීවිතය පවත්වා ගැනීමටත්, ඉදිරියට යාමටත් පක්ෂය මෙම ව්‍යාධියෙන් තමන් සුවපත් කර ගත යුතුය. …. සියලු කල්ලි මෙන් ම ඇබර්න් කල්ලිය ද වැඩී වර්ධනය වන්නේ අඳුරේ දී ය. එය දිවා එළියට ඇද දමා, එය කුමක් ද යන්න සහ එය සෑමවිටම කුමක් වී ද යන්න පක්ෂයට පෙන්වා දීම අත්‍යවශ්‍ය විය. වර්තමාන තත්ත්වය තුළ භේදයක් සඳහා, ඇබර්න්ගේ ද්‍රෝහී නඩයේ ඉහළ ම මට්ටමේ දායකත්වය ලැබ සිදු කෙරෙන තර්ජනය, පක්ෂයට අවසාන අනතුරු හැඟවීමක් ගෙන එයි: කල්ලි දේශපාලනය හා සංයෝජනතාවාදය තව දුරටත් ඉවසා සිටිය හැකි නො වේ! පක්ෂයේ ජීවිතය පැවතීමට නම් කල්ලි දේශපාලනය හා සංයෝජනතාවාදය විනාශ කළ යුතුය. ඉදිරියෙහි එළඹෙන පක්ෂ සම්මේලනය හමුවේ මෙම කල් දැමිය නො හැකි කර්තව්‍යය මුහුණට මුහුණ ලා අභිමුඛ වී ඇත. …Read more
සංවිධානාත්මක අපරාධ යනු පවතින ආර්ථික සංවිධානයේ කුනු වීමේ ප්‍රකාශනයකි. පුද්ගලික දේපල ක්‍රමයේ ඓන්ද්‍රීය අංගයන් වන වංචාව, දූෂනය, ත්‍රස්ත කිරීම්, ඊනියා සදාචාරයේ සියලු සලු පිලි උනා දමා ඇත. විරැකියාව හා දුප්පත්කම ලාබ ශ්‍රමය සම්පාදනය කර ගැනීමේ අවශ්‍යතාවක් වන්නා සේ ම අපරාධවලට ද තෝතැන්නක් වන්නේ ය.
මත්ද්‍රව්‍ය ජාවාරම නීති විරෝධී මාෆියාවක් විසින් නිර්මානය කරන ලද්දක් නො වේ. …
…මෙසේ මරනය පවා ඉක්මන් කරන රෝගාබාධයන් පෙනී පෙනී මිනිසුන් මේවාට ඇබ්බැහි වන්නේ ඇයි? මිනිසුන්ට අසහනය දරා ගත නො හැකි ය. ඔවුන්ට ප්‍රීතිය, සතුට හා සහනය අවශ්‍ය ය. ආර්ථික දේශපාලන අසමානතාවයේ ගිලී, ජීවත් වීම හා නො වීම අතර සිටින මිනිසුන්ට එම ප්‍රීතියට හා සහනයට සදාචාරාත්මක මාවතක් නැත. මත්ද්‍රව්‍යවලට ද අන් සියලු භාන්ඩවලට මෙන් ම ප්‍රයෝජ්‍ය වටිනාකමක් ලබා දෙන්නේ මෙම තත්වය විසිනි. ඒවා උත්තේජකයන් වන අතර, ශක්තීන්, සංවේදන හා සතුට වැඩි කල හැකි, ප්‍රීතිකාරක, විනෝදාත්මක හා මනෝභාවයන් වෙනස් කල හැකි ගුනයන්ගෙන් යුක්ත ය. මහජනයාගේ මූලික අවශ්‍යතා පවා සපුරාලීමට අසමත් ධනපති සමාජ ක්‍රමයට මෙම වෙලඳපොල තව දුරටත් පුලුල් වීම නො වැලැක් විය හැකි ය. ..
මෙම සමාජය අතිශයින් අනාරක්ෂිත ය. නීති විරෝධී මත්ද්‍රව්‍ය කර්මාන්තයේ වෙලඳපොල සඳහා තරඟය කන්ඩායම් අතර ලෙයින් විසඳා ගත යුතු වන අතර ජාත්‍යන්තර පරිමාන අපරාධ ජාලයන් නිර්මානය කරයි. මෙරට වර්තමානයේ ක්‍රියාත්මක වන සංවිධානාත්මක අපරාධ කල්ලි හා ඒවා විසින් කරනු ලබන මිනිස් ඝාතන සිදු කෙරී ඇත්තේ මෙම කොන්දේසි යටතේ ය. මත්ද්‍රව්‍ය භාවිතා කරන්නන් අපරාධවලට පෙලඹීම සමාජ ව්‍යසනයේ බරපතල කොටසක් නියෝජනය කරයි. …Read more
සිය පෞද්ගලික බලපෑම ඇබර්න්ට ආවරණයක් වී තිබූ සහ ඇබර්න් සමඟ කණ්ඩායම් අරගලයේ දී සහයෝගීව හුන් වෙබර්, භේදයක පෙරදැක්ම ඉදිරියේ පසුබැස්සේය. ඇබර්න් හා මස්ට්ගේ භේදන ක්‍රියා මාර්ගයෙන් ප්‍රදර්ශනාත්මකව බිඳී ගිය ඔහු පක්ෂයේ එකමුතුව සඳහා එළිපිට ම දෘඩ ලෙස පෙනී සිටියේය. .. එම අරගලය සම්බන්ධයෙන් ඇබර්න්(ගේ ක්‍රියා කලාපය) ආවරණය කරනු සඳහා වෙබර්ට අවමන් කිරීම කෙතරම් ලජ්ජා සහගත ද? කෙතරම් සාපරාධී ද?
…. වෙබර් පක්ෂයට පක්ෂපාතියාගේ භූමිකාව ඉටු කරමින්, පක්ෂය භේද කළ හැකි අයගේ සැළසුම් අවුල් කර දැමීමට පක්ෂයට ආධාර කළේය. එම ක්‍රියාව පමණක් වුව, කණ්ඩායම් අරගලය තුළ වෙබර්ගේ දෝෂවලට වඩා අතිශය වැඩි බරකින් යුක්ත ය. එකල ෂැට්මන් හා බර්න්හැම් එසේ පිළිගත්හ. වඩාත් වෙනත් තීන්දුවක් උසුරුවා ලීමට ඔවුන් දැන් දරන වෑයම විසින් අපකීර්තියට පත් කෙරෙන්නේ ඔවුන් ම විනා, වෙබර් නම් නො වේ. …Read more
මානවයා යනු සංස්කෘතියක් ඇති – එනම්, පරපුරෙන් පරපුරට ලබා දුන් ජානමය අයුරින් නිර්නිත චර්යාවන් නොව, අලුතින් උගන්නා – එකම සත්ත්වයායැයි සිතූ කාලයක් විය. කෙසේවෙතත් දශක ගනනාවක පර්යේෂන හෙලිදරව් කර ඇත්තේ, අග්‍රේෂයන්, කාක පවුලේ පක්ෂීන් ආදී වශයෙන් වන තවත් සත්ත්ව විශේෂ ගනනාවකට ද සංස්කෘතියක් ඇති බවය. ඒ කොයිහැටි වෙතත්, මානව සංස්කෘතිය පැහැදිලිව ම අන් සියලු සත්ත්වයන්ට වඩා ගුනානාත්මක ලෙස සුවිශේෂී ය. අපේ පැවැත්ම ම උදෙසා අපි ඉතා සංකීර්න සංස්කෘතික උරුමයන් මත රඳා සිටිමු. මෙම වෙනසට හේතුභූත වූයේ කුමක් ද? එය හුදෙක් මට්ටම් සම්බන්ධ ප්‍රශ්නයක් ද? නැතහොත් මානව සංස්කෘතිය සම්බන්ධ කිසියම් අද්විතීය දෙයක් වේ ද? … Read more
ෂැට්මන්ට අනුව මෙම කල්ලියේ බඳවා ගැනීමේ විධික්‍රම මොනවා ද? අද මෙන් එදා ද: “… එය, සිය විරුද්ධවාදීන්ට විවෘතව සහ අවංකව මුහුණට මුහුණ දී කෙරෙන න්‍යායාත්මක අභිමුඛනයක විධික්‍රම මඟින් දිනා ගත් එකදු පක්ෂපාතියෙකු හෝ නැත. එහි විධික්‍රම වඩාත් වෙනස් ය: එය, ඇබර්න් විසින් රහසේ යවනු ලබන, එහෙත් පක්ෂය ඉදිරියේ ප්‍රසිද්ධියේ ඉදිරිපත් කිරීමට කිසිදා එඩිතර නො වන විෂකුරු ‘තොරතුරු සටහන්’ ලිපිවල එකක් කියයි; එළිපිට තවෙකක් කියයි.” …
එය නියෝජනය කරන්නේ කුමක් ද? “එය අපේ රුධිර ප්‍රවාහය තුළ – එනම්, මූලධර්මාත්මක විධික්‍රම මත තමන් පදනම් කර ගන්නා, කල්ලි දේශපාලනය හා පෞද්ගලික සංයෝජනතාවාදය පිළිකුල් කරන විප්ලවවාදී මාක්ස්වාදී ප්‍රවාහය තුළ – සෞඛ්‍යයට අහිතකර හා දුෂ්ට ප්‍රවාහයක් නියෝජනය කරයි. එහි කල්ක්‍රියාව, එහි ආචාරවිධි, එහි චාරිත්‍රවාරිත්‍ර, එහි විධික්‍රම එය අපේ ව්‍යාපාරයට පිටස්තර වූ පර්යායක් බවට පත් කරයි.” … Read more
අපරාධ කල්ලි නායකයෙකු ලෙස නම් දරා සිටින ගනේමුල්ලේ සංජීව තවත් එවන් කල්ලියක වෙඩික්කරුවෙකු විසින් ඝාතනය කෙරුනේ අලුත්කඩේ මහේස්ත්‍රාත් අධිකරනයේ විත්ති කූඩුව තුල දී ය.
දරිද්‍රතාව නිසා යුද්ධයට උරා ගනු ලැබූ තරුනයෝ යුද්ධයට පමනක් නො ව, හමුදා තුලම පවතින පීඩනයන්ට ද මුහුන දුන්හ. හමුදා සේවය ඔවුනගේ සහ එම පවුල්වල දරිද්‍රතාව අහෝසි කලේ නැත. මේ කාරනා දෙක විසින් බොහෝ සෙබලුන් මානසික ව්‍යාධිවලට ගොදුරු වූහ. ඔවුන් මත් ද්‍රව්‍යවලට හා අපරාධවලට පෙලඹ වූ කරුනු මේවා ය. ජීවත්වීම සඳහා ජිවිතය හෝ මරනය තෝරා ගැනීමට සිදු වූ සමාජයක තරුනයන් පාතාලයට නැඹුරු වීම දඬුවම්වලින් නතර කල හැකි නො වේ. දුප්පත්කම සමස්ත පාතාලයේ වපසරිය පුලුල් කරයි. … Read more
